Suvadu Journal

சுவடு

நூலக நிறுவன ஆய்விதழ்

முகப்பு

இலங்கை தமிழ்பேசும் சமூகங்களின் மரபறிவுச்செல்வங்களை ஆவணப்படுத்தி பேணிப்பாதுகாத்தல் மூலமாக, தற்போதைய, எதிர்கால தலைமுறையினருக்கான அறிவுப் பகிர்வுப் பணியை செவ்வனே செய்து வருகின்ற நூலக நிறுவனம், தனது ஒன்பதாவது ஆண்டு நிறைவை முன்னிட்டு, 2015 ஆம் ஆண்டிலிருந்து ”சுவடு” எனும் ஆய்விதழை அரையாண்டிற்கு ஒருமுறை வெளியிடவுள்ளது.

தமிழ்ச்சமூகங்கள் தொடர்பான கடந்த காலத்தையும் நிகழ்காலத்தையும் பற்றிய ஆய்வுகளை ஊக்குவித்தலையும் அவற்றை விரைவாக்கலையும் செய்யவிருக்கின்ற “சுவடு” ஆய்விதழானது, ஆய்வுக்கட்டுரைகளைப் பெற்று, அவற்றை சீரிய முறையில் பரிசீலித்து வெளியிடலை தனது பிரதான செயற்பாடாகக் கருதுகின்றது. மேலும், இந்த ஆய்விதழானது, நூலக நிறுவனம் இது வரை செய்து வந்த ஆவணப்பதிவுகள் பற்றிய விழிப்புணர்வை ஊட்டக்கூடியதாகவும், தமிழ் சமூகங்கள் சார்ந்த ஆவணங்கள் குறித்த அறிவுசார் உரையாடலை வளர்ப்பதற்கான களமாகவும் அமையும்

இவ்விதழ் ஆண்டுக்கு இருதடவை வெளியாகும்.

ஆசிரியர் குழு

ஆசிரியர்

க. சண்முகலிங்கம்

விடயப்பரப்புகள்

முதலாவது ஆய்விதழின் கருப்பொருள் :

வட இலங்கையின் கிராமிய சமூகவியல் (RURAL SOCIOLOGY OF NORTHERN SRI LANKA)

கட்டுரை சமர்ப்பித்தல்

முதலாவது இதழுக்கு அனுப்பப்படும் ஆய்வுக்கட்டுரைகள் 31-05-2014 க்கு முன்பாக அனுப்பி வைக்கப்படல் வேண்டும். இவ் ஆய்விதழில் ஆய்வுக்கட்டுரைகள் ஏற்கப்படும் படிமுறைகள், அது சார்ந்த பிற தகவல்கள் மற்றும் விதிமுறைகள் அடங்கிய கையேட்டை இங்கே பதிவிறக்கிக் கொள்ளலாம்.

”சுவடு” ஆய்விதழ் தொடர்பான தொடர்பாடலுக்கும் மேலதிக தகவல்களைப் பெற்றுக் கொள்வதற்கும் ஆய்வுக்கட்டுரைகளை அனுப்புவதற்கும் [email protected] எனும் மின்னஞ்சல் முகவரியை உபயோகிக்கலாம்.

ஆய்வுக்கட்டுரை கையேடு

ஆய்வுக்கட்டுரை கையேட்டைத் தரவிறக்கவும்.

இல.	விடயம்
1.	ஆய்வுக்கட்டுரைகளுக்கான விதிமுறைகள்
1.1	”நூலகம்” ஆய்விதழுக்காக அனுப்பப்படும் கட்டுரை இதற்கு முன்பு முழுமையாகவோ அல்லது பகுதியாகவோ வேறு எங்கும் வெளியிடப்படவில்லை என்றும் இக்கட்டுரை கட்டுரையாளரின் சொந்த ஆக்கம் என்றும் எழுத்து மூலமாகவோ மின்னஞ்சல் மூலமாகவோ கட்டுரையாளர் உறுதிப்படுத்தல் வேண்டும்.
1.2	கட்டுரையில் தமிழ் எழுத்துகள், தமிழ் ஒருங்குறி எழுத்துருவில் [Tamil Unicode Font] தட்டச்சிடப்பட்டு இருக்க வேண்டும்.
1.3	எழுத்துரு அளவு [Font size] 10 ஆக இருத்தல் வேண்டும்.
1.4	மொத்தக் கட்டுரையும் A4 அளவு தாளின் 10 பக்கங்களுக்கு மேற்படாமல் இருத்தல் வேண்டும்.
1.5	தட்டச்சிடப்பட்ட கட்டுரை “.odt”, “.doc” அல்லது “.docx” கோப்பு வடிவத்தில் இருத்தல் வேண்டும்
1.6	தட்டச்சிடப்பட்ட கட்டுரை மின்னஞ்சலில் இணைக்கப்பட்டு கட்டுரையாளரின் முழுப்பெயர், தொலைபேசி இலக்கம், அஞ்சல்முகவரி, தொழில் ஆகிய தகவல்களுடன் நிர்வாக ஆசிரியருக்கு [email protected] எனும் மின்னஞ்சல் முகவரியினூடாக அனுப்பப்பட வேண்டும்.
1.7	”நூலகம்” ஆய்விதழில் பிரசுரிப்பதற்காக ஆசிரியர் குழுவால் வெளியிடுவதற்காக ஏற்கப்பட்ட கட்டுரையின் முழுக் காப்புரிமையும் நூலக நிறுவனத்துக்கு உரியது. நூலகம் ஆய்விதழானது Creative Commons Attribution-ShareAlike 3.0 Unported (CC-BY-SA 3.0) உரிமத்தின் கீழ் வெளியிடப்படும். அவ்வகையில் கட்டுரையாசிரியரோ வேறெவரோ கட்டுரையினைப் பயன்படுத்துவதாயின் அதே உரிமத்துடனேயே பயன்படுத்த வேண்டும். மேலதிக விபரங்களுக்கு http://creativecommons.org/licenses/by-sa/3.0/ இனைப் பார்வையிடுங்கள். வேறு உரிமங்களுடன் வெளியிட வேண்டுமாயின் நூலக நிறுவனத்திடம் எழுத்து மூலமான முன் அனுமதி பெற வேண்டும். வெளியிடுவதற்காக ஏற்கப்பட்ட கட்டுரையிலிருந்து மேற்கோள் காட்டுவதற்கு இந்தக் கட்டுப்பாடுகள் இல்லை.
1.8	கட்டுரையின் தேர்வு மற்றும் வெளியீடு ஆகியவற்றில் ஆசிரியர்குழுவின் முடிவே இறுதியானது.
2.	நூலகம் ஆய்விதழின் விடயப்பரப்புகள்
2.1	இலங்கையின் தமிழ்பேசும் சமூகங்களிடையே ஆய்வுக்கு உட்படுத்த வேண்டியதாகக் கருதப்படும் பின்வரும் விடயப்பரப்புகள் :
2.1.1	Religions and Cultural Memory – மதங்களும் பண்பாட்டு நினைவுகளும்
2.1.2	Architecture and Design – கட்டடக்கலையும் வடிவமைப்பும்
2.1.3	Science and Technology – அறிவியலும் தொழிநுட்பமும்
2.1.4	Law and Society – சட்டமும் சமூகமும்
2.1.5	Home and Life style – வீடும் வாழ்க்கைப் பாணியும்
2.1.6	Arts and Activities – கலைகளும் செயற்பாடுகளும்
2.1.7	Ethno Medicine – இனத்திற்குரிய மருத்துவம்
2.1.8	Social Structure, Genealogy and Kinship – சமூகக்கட்டமைப்பு, உறவுசார் பதிவுகள் மற்றும் உறவு நிலைகள்
2.1.9	Archaeology and History – தொல்லியலும் வரலாறும்
2.1.10	Linguistics and Literature – மொழியியல் மற்றும் இலக்கியம்
2.1.11	Ethnography and Race Relations – இனவரைபு மற்றும் இன உறவுமுறைகள்
2.1.12	Villages and Communities – கிராமங்களும் சமூகக்குழுக்களும்
2.1.13	Organizations and Institutions – அமைப்புகளும் கல்வி நிறுவகங்களும்
2.1.14	Landscape, Environment and Biodiversity – நிலவடிவம், சூழல் மற்றும் உயிர்ப்பல்வகைமை
2.2	ஆவணப்படுத்தல் சார் தொழினுட்பங்கள் , தகவல் அறிவியல், அறிவுப்பகிர்வு, நூலகவியல் சார்ந்த விடயப்பரப்புகள்
3.	நூலகம் ஆய்விதழில் ஆய்வுக்கட்டுரைகளை ஏற்கும் படிமுறையும் அதுசார்ந்த தகவல்களும்
	வெளியீட்டுக்காக நிர்வாக ஆசிரியரை வந்தடையும் அடையும் கட்டுரை, பின்வரும் படிமுறைகளினூடாக செலுத்தப்படும்:
3.1	ஆய்வுக்கட்டுரை முதன்மை ஆசிரியருக்கு அனுப்பப்படும்.
3.2	ஆய்வுக்கட்டுரை அடையாளநீக்கம் செய்யப்பட்டு மூன்று பரிசீலனையாளர்களுக்கு அனுப்பப்படும்.
3.3	ஒவ்வொரு கட்டுரையும் கட்டுரையாளரின் தனிப்பட்ட தகவல்கள் அகற்றப்பட்டு மூன்று பரிசீலனையாளர்களிடம் தரப்பட்டு, அவர்களிடம் இருந்து பின்வரும் முடிவுகள் பெறப்படும் :
3.3.1	திருத்தமின்றி ஏற்றல்
3.3.2	திருத்தங்களை செய்ய வலியுறுத்தல்
3.3.2.1	பரிசீலனையாளர் திருத்தங்களை அறிவிப்பின் அவை கட்டுரையாளருக்கு அறிவிக்கப்பட்டு திருத்தங்கள் செய்யப்பட்ட வடிவம் பெறப்படும். குறித்த பரிசீலனையாளருக்கு மீண்டும் அனுப்பப்பட்டு அவருடைய ஒப்புதலின் பேரில் கட்டுரை ஏற்கப்படும்.
3.3.3	நிராகரித்தல்
3.3.3.1	ஒவ்வொரு கட்டுரைக்கும் நியமிக்கப்படும் மூன்று பரிசீலனையாளர்களில் பெரும்பாலானோர் கட்டுரையை நிராகரிப்பின், அதன் இறுதி முடிவு எடுக்கும் அதிகாரம் முதன்மை ஆசிரியருக்கு உண்டு. முதன்மை ஆசிரியர் விரும்பினால் அக்கட்டுரைக்கு வேறு பரிசீலனையாளர்களை நியமித்து பரிசீலனைச் செயற்பாட்டை மீள ஆரம்பிக்கலாம்.
3.4	ஏற்கப்பட்ட கட்டுரை ஆய்விதழில் வெளியிடப்படும். குறித்த ஆய்விதழில் வெளியிட இடம் இல்லை எனில், காத்திருப்புப் பட்டியலில் வைக்கப்படும்
3.5	வெளியிடல், ஏற்கப்பட்டு காத்திருப்புப் பட்டியலில் வைத்தல், திருத்தம் செய்யக் கோரல், நிராகரித்தல் போன்ற செயற்பாடுகள் கட்டுரையாளருக்கு அறிவிக்கப்படும்.
4.	மொழி ஊடகம்
	ஆய்வுக்கட்டுரை தமிழ் அல்லது ஆங்கில மொழிகளில் அமைந்திருக்கலாம் எனினும், தமிழ் மொழியில் அமைந்திருத்தல் பெரிதும் விரும்பத்தக்கது. தேவைப்படுமிடத்து இரு மொழிகளும் பயன்படுத்தப்படலாம்.

<headertabs/>